COM 26

AKO KARONG SEMANAHA – 7
Ako karong semanaha kay grabe ang kalipay na nabati kay tungod nakahibalo nako kung gi unsa gyud ko pagluwas sa Ginoo. Kaorn pud nga semanaha kay nakapalit nako sa akong kaugalingon bibiliya diin makahatag nako ug mga tinuod nga mensahe gikan sa akong manluluwas. Hinuon, murag nakiwawan pako musuwat kabahin sa tinud-anay nakong nabati pero dili nako ikauwaw ang GOSPEL. Kay ako tinuod man nga nahigugma, dili gyud malikayan na magsige ko ug hisgot bahin Kaniya kay siya lamang pirrmi ang masulod sa akong utok kay siya man pud ang naa sa akong kasing-kasing. Hinuon man, nagpadayon ko na mabuhi na malipayon taliwa sa mga kalisud ug mga pait nga akong giagian karon kay kini tanan, makapalipay sa Ginoo. Wala ray kwenta ang akong mga kasakit nga nabati kung ikompara sa kalipay na gihatag kanako sa presensya sa akong super hero – Jesus Christ.

NAPULO KA PULONg – 7
1. lapis – pencil
Nipalit ug lapis akong manghod para naa siya’y gamiton sa pagsuwat.

2. Likay – Resist
Likayi gyud nga makasala ka kay makapasakit na siya nako.

3. Luwas – Save
Kay ako, usa sa mga napili nga tawo ug ako karon kay naluwas by grace.

4. Yuta – Land
bisan unsa kataas pa ang imong maabot, itugkad gyud gihapon sa yuta ang imong mga tiil.

5. Lupad – Fly
Daghan kaayong mga langgam ang naglupad sa kalangitan gahapon sa hapon.

6. Hapon – twilight
Manguli na ta kay hapon na. maabtan unya tag gabie.

7. Kaon – Eat
Ayaw kalimot ug kaon sa imong pamahaw kay mao nay pinakaimportante nga meal sa tibuok adlaw.

8. Sayaw – DAnce
Nakita nako si Tansya ug Tensyo nga nagsayaw sa baylehan.

9. Kanta – Sing
Mukanta unya sa birthday party ni Andrea ang iyang uyab nga si Marko.

10. Balik – Return
Bisan asa pa kong nasura maabot, mubalik gyud ko sa ato.

Ako Karong Semanaha – 6

Sa niaging semana gipahigayon ang Pakiglambigit 2009 diin mao kini ang Intrams sa akong tungha-an, ang Santa Teresa. Sa mga unang adlaw niini, dako kaayo ang akong kaguol nga nabati tungod sa pagdiskwalipika sa among mga miyembro sa organisasyon sa lain-laing duwa. Nagkagubot gyud pag-ayo. Niadto napud ang mga ginikanan para manginlabot ani nga isyu kay dili lamang daw kini isyu sa mga estudyante ug sa mga magtutudlo, kundi isyu pud kini na dapat pakighinabian kuyog ang mga ginikanan. Daghan ang mga nanghilak atong adlawa kay naay posibilidad na dili na kaduwa pa ang TCO soccer baseball, table tennis ug ang volleyball. Ako mismo, dako akong sala nabuhat atong adlawa kay bisan wala nako matuyo, tungod sa akong emosyon, nakataas ko ug tingog sa usa ka maestra pero nangayo raman pud ko ug pasaylo niya pag sunod adlaw. Daghan kaayong miting ang gipahigayon para sabotan kung unsa gyud ang angay buhaton sa sitwasyon ug nasabutan na mag exhibition game ang soccer baseball, makaduwa ang table tennis pero pildi na sila daan ug usa ka round, ug ang volleyball makaduwa pero igo lamang ang ilang mga player na wala nay maka substitute pa. Bisan tuod daghan ang mga nanghilak atong adlawa, nalipay kaayo ko kay tungod ani nga mga panghitabo, nagkahiusa ang among organisasyon. Aduna gyud diay rason ang Ginoo ug nganong Iyang gitugot na mahitabo to siya.

Napu ka Bisayang Pinulungan – 6

1. Salig – Trust
Salig lang gud nako.

2. Pusil – Gun
Usa ka pusil ang nasakmit sa mga pulisya gikan sa mga suspetsado.

3. Suspetsado – Suspect
Usa ka pusil ang nasakmit sa mga pulisya gikan sa mga suspetsado.

4. Gikan – From
Diin ni gikan ang mga suwat?

5. Nilubog – sank
Nilubog ang barkong M/V Princess of the Stars.

6. Hilak – Cry
Daghan ang nihilak sa pagkamatay ni Cory Aquino.

7. Pahalipay – Prizes, Tokens, freebies
Nanghatag ug mga pahalipay sa mga mananan-away sila Kin ug Gerald sa pag-ari nila diri sa Sugbo.

8. Duwa – game
Nakit-an nako ang duwa sa Ateneo ug La Salle gahapon.

9. Singot – Sweat
Nagtuto ang singot sa suspetsado ganiha samtang gi-imbistigaran siya sa pulisya.

10. Dagan – Run
Dali ragyud nga nakadagan ang mga suspek ganiha pero naabtan sila sa mga pulisya ug gidala sa prisinto.

——————————————————————-

Ako Karong Semanaha – 5

Kaorng semanaha kay daghan kaayong mga maayong panghitabo sa akong kinabuhi. Ang usa sa tulo nako ka organisasyon nga TRUE LOVE WAITS CLUB kay madasigon kaayo sa pagtandog sa mga kabatan-unan karon na unta mabatyagan nila ang tinuod nga tubag sa ilang mga pangutana kabahin sa gugma. Ang media man gud kay daghang mga sayop nga gipangtudlo sa atong kabatan-onan karon. matawag pa ba natong paglaum sa Nasud nato ang atong mga kabatan-unan kung sila nilihas na sa saktong dalan? Paglaum pa ba nato sila kung sila nagpabuta-buta sa mga panghitabo karon ug nakiuyon ra pud sa dagan sa kinabuhi? Paglaum pa ba nato sila kung sila nagpuyo lamang sa mga ubos nga ekspektasyon kanila? angay rajud na mausab na unta ang mga sayop nga buhat sa mga kabatan-unan karon. Unta, adunay matabang ang among organisasyon aron kani atong gipangtawag nga paglaum sa nasud, mabalik sa pagtahak sa saktong dalan. Nalipay pud kaayo ko kaorng semanaha kay daghan kaayo ko ug mga pag-ampo na gituman sa Ginoo. Murag WISH GRANTING WEEK ni Niya karon. haha. Mapasalamaton pud kaayo ko kay nakagahin nako ug panahon aron makapraktis ug CHESS para sa umaabot namong duwa karong Septyembre. Ang among coach pa jud kay usa ka Chess Master ug mutudlo sad gyud siya ug chess sa ubang mga interesado. aduna siya’s Chess Clinic diin didto mi kanunay na magduwa. Nanghinaot ko na sa mga umaabot na INtrams namo, ma-develop among tagsa tagsa ka mga personalidad ug magkadaghan among mga higala.

Napu ka BIsaya na Pinulungan – 5
1. Taas – Long
Taas ang panahon nga gihatag sa Korte aron mahatagan pa ug igong panahon ang akusado na magpatambal sa iyang sakit sa kasing-kasing.

2. Buhi – Alive
Wala na maabtang Buhi ang biktima nga giingong gipriso sulod sa balay sa usa ka nagngalan ug Carmelito Guda human kini lugosa.

3. Kawat – Steal
usa ka tindahan prendahanan ang nakawatan ug dos syentos mil ka pesos ganihang kadlawn.

4. Tabang – Help
Nangayo ug tabang ang biktima sa iyang silingan.

5. lakaw – walk
Samtang galakaw si Vestal sa dalan sa Junkera, gikalit lamang ug labnit ang iyang bag nga ang sulod muabot sa singkwenta mil ka pesos.

6. Unsa – What
Unsa man ang imong gikagul-an?

7. Panganod – Cloud
nagtan-aw ko sa mga panganod sa langit.

8. Damgo – Dream
Nagdamgo ko nimo gabie.

9. Kwarta – MOney
Nawala ang kwarta nga naa sa akong bag ganihang buntag.

10. Kalit – Sudden
Kalit lamang niabot ang mga tulisan sa bangko ganiha.

——————————————————————-

Ako karong semanaha – 4
Ako karong semanaha kay nagsadya kay tungod sa akong pamilya. malipayon kaayo ko sa mga panghitabo karon kay nagakauli na ang akong iyaan ug akong akong ig-agaw. malipayon pud ko kay kami nagkahiusa napud. Apan, adunay mga adlaw karong semanaha nga naguol ko pag-ayo tungod nagkaanam na ug kaduol ang among intramurals sa STC pero wala pa gihapon ko maka practice sa CHESS na maoy sport na akong giapilan. Duha na ko katuig kapin na wala nay duwa2x sa CHESS, mayta makamao lang gihapon ko sa mga istilo ug mga technique niining duwaa. Karong semanaha, nalipay pud ko kay adunay kalihukan sa among Barangay diin nakatabang ko sa mga kabus. Nitabang ko sa pagpanghatag ug mga educational supplies sa mga pobre nga estudyante sa among barangay. Kini siya dili ni siya dakong kalihukan sa among barangay kundi kalihukan kini sa mga residente sa among compound isip pag-alagad sa ubang tao.

Napu ka BIsayang Pinulungan
1. Huwat – Wait
Huwaton tika sa Capitol.

2. Sayud – KNow
Nasayod baka sa imong sayop?

3. Sayop – MIstakes / Faults
Unsa may sayop nimo nga napildi man ka sa duwa nimo ganiha?

4. papel – Role
Unsa ang papel sa imong pamilya sa imong pagkahimong lider sa inyong tunghaan?

5. Lambo – Progress
Nagpadayon nga malambuon ang siyudad sa Mandaue.

6. Pasaylo – Forgiveness
Nangayo ug pasaylo ang suspek sa pamilya sa batang babay na iyang gilugos.

7. Ulipon – Slave
Dili dapat kita magapaulipon sa mga tao nga naa sa posisyon pero way natabang. Nagsige lamang sila ug palami sa kwarta nga dili ila.

8. Kantidad – Amount
Kinse Mil ang giingong nawala nga kantidad sa panimalay sa aktres nga si Katrina Halili.

9. Ampo – Pray
Kanunay kitang mag- ampo para sa atong Nasud nga hatagan unta ta ug mga lider nga mu serbisyo ug tinud-aray kanato.

10. balay – House
Gi-raid sa pulisya ang balay ni Nenita ug Carlo Hiyen kay adunay nakaingon nga kining mag-asawa nagbaligya ug gibawal nga droga sa ilang dapit.

———————————————————————

Ako karong semanaha -3

Grabe kaayo ang akong kaguol na gibati karong adlawa kay natumngan pa na midterms karon, karon pajud ko nakabati ug sakit. Sugod katong niaging sabado, nagsakit na gyud akong tiyan ug hangtod karon wala pa kini maayo. Epekto na siguro ni sa walay pagkaon inig kaudto kay tungod sa kadaghang buhaton sa eskwelahan pero okay ra, maayo ra lagi ni. Wala ko nangita ug kapalit sa akong pag-alagad sa mga miyembro sa mga organisasyon na akong gi-apilan. Ang kani nga panghgitabo kay nagpamata lamang kanako nga dili ko manobra pag-ayo ug dili na mag-abusar sa kaugalingon kay bisan ang akong utok ganahan pa mutrabaho, kung dili na kini makaya sa akong lawas, wa na gyud ko’y mabuhat niana. Mao na na dapat ra gyud nako ampingan ang akong lawas para dili na matanggong ang akong mga trabahuon kay ma-absent na man hinuon ko.

Napu ka pung bisaya-3

1. Makighinabi – Converse with
Karon makighinabi ta sa usa sa mga malampusong negosyante sa sugbo.

2. Kasinatian – Experiences
Mahimo ba na mupaambit ka sa imong mga kasinatian sa klase?

3. lawak saringanan- classroom
Daghan kaayo kog makat-onan sa lawak saringanan.

4. Panag-ingnan – model
Siya usa sa mga maayong panag-ingnan sa usa ka estudyante.

5. Giya – guidance
Nakalampos ko sa tanang hagit na niabot sa akong kinabuhi kay kabalo ko na nag giya kanako ang Ginoo para ko makatahak sa saktong dan.

6. Malampuson – Successful
Si Marta, ang tindera sa Carbon kay usa na ka malampuson na negosyante.

7. Patay – dead
Adunay 87 ka tao ang namatay sa panagbangga sa usa ka bus og jeepney.

8. Mensahe – Message
Adunay ba kay mensahe para sa imong amahan karon na duol na iyang adlaw nga natawhan?

9. Kampyon – Champion
Si Peter delos Reyes ang nahimong kampyon sa duwa nga chess sa junior’s level sa tibuok asya.

10. Nakat-unan – Learned
Daghan jud kaayo kog nakat-unan sa akong pagpaminaw sa seminar.

———————————————————

ako karong semanaha – 2

Karong semanaha, nalipay ko sa kadaghan sa akong buhatunon kay dili ko magtanga. Bisan tuod ug grabe kakapoy ang mamahimong sekretarya sa usa ka organisyasyon sa mga mass communication students sa STC, nalipay gihapon ko kay dako akong naalagad para ani nga organisasyon para kini mas mulambo. Dako pud akong garbo kay gihatagan ko ug opotyunidad sa mga miyembro para mualagad kanila. Bisan tuod ug dili lalim ang trabaho isip usa sa mga mangungulo, naghatag kini nako ug dakong kalipay. Sa laing bahin, naguol gyud ko sa pagkawala sa usa ka tawo nga maingon natong dako ug naambag sa pagpabiling buhi sa demokrasya sa atong nasud, Si kanhi presidente Cory Aquino. Bisan tuod sakit nga nawala siya, sa iyang pagpanaw, makita nako nga nagkahiusa pag-usab ang mga Pilipino ug nagkapundok para maghatag niya ug pasidungog sa mga dako niyang nahatag sa Pilipinas ug sa dako niyang pagmahal sa kada usa ka Pilipino. Ako, isip usa ka estudyante, ganahan ko musunod sa iyang mga lakang sa paghimo ug diperensya sa katilingban. ako ning buhaton pamaagi sa paghimo sa akong kaugalingon na responsable ug paggamit sa akong kahitungod nga mubotar karong umaabot na eleksyon. Ako man usa ka estudyante nga nag-eskwela para mamahimong magsisibya usa ka adlaw, maningkamot ako para ako mahimong tulay sa katawhan para mahibawan nila kung unsay mga panghitabo sa atong nasud karon. Si Cory Aquino kay usa ka tawo nga nakahimo ug dakong kausaban sa tagsa-tagsa nato ka kinabuhi ug angayan lamang siya sa na atong pasidunggan. Cory Aquino, may you rest in peace.

10 ka pung sa bisaya

Higala- Friend; Companion
Ang pangalan sa akong higala kay Hannah.

Kausaban- Changes
Dako ang kausaban nga nahitabo sa atong nasud tungod sa krisis.

Higayon – Chance; Opportunity
Mao na kini ang inyong higayon para makadaug ug daghan premyo.

Kamatuoran – Truth
Wala pa ko masayod sa kamatuoran.

Masayod – Know
Nasayod ka na ba kung unsa’y gipangbuhat sa imong anak?

Pundok – Cluster
Adunay pundok nga nahinayon karon diri sa Fuente Osmena.

Daghan- many
Daghan kaayong katawhan ang naguol sa pagkamatay ni kanhi presidente Cory Aquino.

Bangga- Clash;oftentimes referred to as car accident
Adunay bangga sa duha ka jeepney didto sa Escario, siyudad sa Sugbu

Mahay – regret
Dako jud ang pagmahay sa inahan kay wala niya maatiman pag-ayo iyang anak.

Giatubang- facing
Daghan ang problema nga giatubang karon sa atong nasud, pero magpabilin dapat kitang malig-on ug dili mawagtangan ug paglaum.

——————————————————————–

Ako Karong Semanaha – 1

Ako karong semanaha kay naglabad ang ulo ug gikapoy sa kadaghang buhatunon para midterms. Makaluya maghunahuna sa nakapundok nga mga trabahuonon sa nagkanaiyang mga subject. Pero, sa akong tan-aw, naa rajud ni nako unsaon kini nako pagkumpleto. Hinay-hinay, akong gisugdan ug buhat ang tanang buhatunon ug gitarong nako pag-ayo pagdala ang akong oras para wala gayu’y masayang bisan usa ka gutlo. Para sa usa ka estudyante, anak, sekretarya sa duha ka organisasyon, amiga ug uban pang kalihukan na pwedeng maapilan, pareha nako, dapat lang gayud na kamao ako mudala sa akong kaugalingon aron likayan ang pagkasapawsapaw ug pagpundok sa mga trabahuon na dili na hinuon nako maato. Nagpasalamat nalang ako kay aduna koy sa iningles pa “stress reliever” ug kini mao ang akong mga higala na naa gihapon para muonong nako sa oras na ako magkalisod. Kani akong mga higala ang naghatag nako ug kusog ug inspirasyon aron magpadayon. Tungod nila, bisan unsa kakapoy ug kasamok ang akong adlaw, mawala kini ug mamahimong maayo napud ang akong nabati. Karon semanaha, sa kadaghan nakong gihunahuna, wala gihapon nako makalimti mangayo ug tabang ug kusog gikan sa Ginoo. Sa sigeng usab-usab sa mga panghitabo karon nga naghatag ug pagakwalay kasiguraduhan sa katawhan, ang Ginoo, para nako ang nagpabiling permanente ug siya lamang ang dapat saligan aron ako mulahutay.

10 ka pung sa bisaya:
10 bisaya words:

1. Paglaum – Hope
a. Ang pagpaningkamut sa matag-usa kanato ang atong paglaum para mulambo kita isip usa ka nasud.

2. Guol- Sadness
a. Grabe gayud ang pagkaguol sa inahan sa pagkawagtang sa iyang anak.
3. mapaubsanon – humble
a. Importante na ang mga tao mapaubsanon para kita mas muasenso sa atong nagkadaiyang kinabuhi.

4. Babay – Woman
a. Adunay usa ka babay ang nakit-ang patay sa may dalan sa Guizo, siyudad sa Mandaue.

5. batan-on – youth
a. Adunay lima ka mga batan-on ang nadakpan sa kapulisan kay nasakpan sila nga nigamit ug ginadiling droga sa sitio umapad.

6. Amahan
a. Adunay amahan nga aksidenteg napusilan sa singko anyos niyang anak pag adlaw sa mga amahan karong tuiga.

7. Lihok – Actions
a. Ang kapulisan sa Sugbo kay daghang mga kalihukan nga gipatuman aron masugpo ang krimen.

8. Gipusil – Shot
a. Usa ka 32 anyos nga lalaki ang nakit-ang patay sa Gen. Maxilom Street. Ang kani nga biktima kay gituohang gipusil ug usa ka nagngan ug Mario Guhan, 24 anyos, na gituohang nabiklan sa biktima samtang sila nag-inom.

9. Magsisibya – reporter
a. Ako kay nagtuon para mamahimong usa ka magsisibya.

10. maniniyot- Photographer
a. Ang usa ka magsisibya dapat dili lamang mulimita sa iyang kaugalingon ug magpabiling tigsibya lamang. Dapat andam pud siya na mamahimong maniniyot kung adunay mga panghitabo na angay ug dali-daling pagkuha ug litrato.